Á fundinum var kosin ný forysta. Formaður var kosin Hreindís Ylva Garðarsdóttir Holm með öllum greiddum atkvæðum. Hreindís er leik- og söngkona að mennt og hefur starfað við leiklist og söng auk kennslu í báðum fögum. Hún býr í Reykjavík og var í fjórða sæti á lista VG fyrir borgarstjórnarkosningarnar í vor. Hún tekur sæti í stjórn UVG í fyrsta skipti. Aðrir sem taka sæti í stjórn eru blanda nýrra og reynslumeiri stjórnarmeðlima. Í Ungum vinstri grænum eru starfandi tvær stjórnir; framkvæmdastjórn sem sér um daglegan rekstur hreyfingarinnar og landstjórn sem er æðsta vald milli landsfunda.

Eftirfarandi aðilar taka sæti í stjórnum:

Framkvæmdastjórn:
Andrea Ósk Sigurbjörnsdóttir, ritstýra
Dagrún Ósk Jónsdóttir, aðalritari
Elva Hrönn Hjartardóttir, alþjóðafulltrúi
Hreindís Ylva Garðarsdóttir Holm, formaður
Ólína Lind Sigurðardóttir, varaformaður
Sigrún Birna Steinarsdóttir, innrastarfsfulltrúi
Þórólfur Sigurðsson, viðburðastjóri

Landstjórn:
Ester Helga Harðardóttir
Eyrún Þórsdóttir
Gyða Dröfn Hjaldadóttir
Helgi Hrafn Ólafsson
Hrefna Rós Helgadóttir
Valgerður Bláklukka Fjölnisdóttir
Þórhildur Heimisdóttir

Fundurinn var einstaklega ánægjulegur og fróðlegur og fór vel fram. Gestir fundarins voru Þórunn Ólafsdóttir sem fjallaði um friðarmál, rasisma og um stöðu hælisleitenda og flóttafólks á Íslandi, Elva Dögg Ásudóttir Kristinsdóttir sem fjallaði um kynbundið ofbeldi, gerendur og úrræði og Guðmundur Ingi Guðbrandsson, umhverfisráðherra sem fjallaði um stöðuna í umhverfismálum og verkefnin framundan þar.

Einnig fór fram málefnavinna og meðfylgjandi eru ályktanir fundarins sem fjalla meðal annars um ríkisstjórnarsamstarfið, virkjun Hvalár, hvalveiðar á Íslandi, verlferðarþjónustu, Atlantshafsbandalagið og fleira.