Leiðir þekkingarþjóðfélag ekki til jafnréttis?
Jafnrétti milli kynjanna hefur aukist jafnt og þétt á undanförnum árum samhliða aukinni framþróun þekkingar og samkeppnishæfni. Rannsóknir hafa sýnt að því meiri sem kynjajöfnuður er því meiri er hagsældin. Vegna þessa er talið að aukin atvinnuþátttaka kvenna og aukinn kynjajöfnuður (efnahagslegur, félagslegur og menntunarlegur) geti tryggt hagvöxt. Innan Evrópusambandsins eru konur meira menntaðar en karlar sem gæti bent til þess að kynjajöfnuður kæmi sjálfvirkt með þróun þekkingarþjóðfélags.
Nýlega voru niðurstöður rannsóknar á vegum ESB (Alþjóðlegt verkefni; WELLKNOW sem náðir til ESB-landa, Ungverjalands og Íslands) kynntar. Rannsóknin snerist um þróun þekkingarsamfélags samhliða kynjajafnrétti og niðurstöðurnar einkennast ekki af bjartsýni. Í ljós kom að sundur dregur með kynjunum eftir því sem löndunum miðar í átt til þekkingarþjóðfélags. Launamunurinn á körlum og konum er mestur meðal menntafólks. Það stafar meðal annars af því launadreifing er meiri meðal menntafólks en annarra hópa og konur raðast neðst í þeirri launadreifingu.
Vissulega er það rétt að konur eru yfir 60% háskólanema og 80% grunnskólakennara og sumir óttast að þær "taki yfir". (sbr. Fyrirlestur Gylfa Magnússonar: "Hvar eru piltarnir?" - Kynjaskipting í sérfræðistéttum á 21. öld á Íslandi.) Lítið sem ekkert bendir til þess að karlar séu að missa völd til kvenna. Þvert á móti þvíafraksturinn af menntun kvenna er minni en karla.
Það er þjóðfélaginu í óhag að halda konum niðri; þær þiggja menntun en ná ekki að nýta sér hana til fulls, fá valdalitlar stöður og lág laun. Heilbrigðisgeiranum er haldið uppi af illa launuðum konur sem flestallar hafa kosið að mennta sig en fá lítið fyrir sinn snúð. Hvers vegna leiðir þekkingarþjóðfélag ekki til jafnréttis þegar þekking leiðir af sér betri vitund?