Fréttir

Ályktun vegna landsdóms

Wed, 18 Jan 2012 09:31:00 +0000

Ung vinstri græn lýsa yfir stuðningi sínum við málshöfðun á hendur fyrrverandi forsætisráðherra. Meðferð málsins fyrir Landsdómi er nauðsynlegur liður í uppgjöri við hrunið og aðdraganda þess.

Þóra Geirlaug nýr formaður UVG

Sun, 2 Oct 2011 20:11:00 +0000

Ellefta reglulega landsfundi Ungra vinstri grænna sem haldinn var á Suðureyri lauk í dag. Fjölmargar ályktanir voru samþykktar á fundinum, meðal annars um trúfrelsi, hernaðarbrölt og forseta Íslands.

Dagskrá Landsfundar 2011

Sun, 25 Sep 2011 11:01:00 +0000

Landsfundur Ungra vinstri grænna fer fram dagana 30. sept - 2. okt næstkomandi á Suðureyri.
Dagskráin í ár er ekki af verri endanum en lagt verður af stað frá Suðurgötu 3 í Reykjavík klukkan 14:00
Að venju eru allir velkomnir á fundinn. Áhugasöm hafi samband á uvg@vinstri.is, snaeros@gmail.com eða í síma 6614411. Hlökkum til að sjá ykkur

Nýliðakvöld Ungra vinstri grænna

Tue, 20 Sep 2011 10:53:00 +0000

Ung vinstri græn á höfuðborgarsvæðinu ætla að halda temmilega skemmtilegt nýliðakvöld sem undanfara að Landsfundi UVG sem fram fer eftir 10 daga. Nýliðakvöldin eru haldin reglulega á hverjum vetri og hafa gefist vel.
PubQuiz, kringlur og kókómjólk á Suðurgötu 3 fimmtudagskvöldið 20. september klukkan 20.

Ályktun um málefni Ungra sjálfstæðismanna og „réttarríkisins Bandaríkja Norður-Ameríku“

Tue, 20 Sep 2011 10:31:00 +0000

Stjórn Ungra vinstri grænna á höfuðborgarsvæðinu samgleðst Ungum sjálfstæðismönnum í því að þeir hafi loksins séð ljósið og áttað sig á hluta af fáránleika bandarískrar stjórnsýslu. Tillaga þeirra um að beita Bandaríkin refsiaðgerðum er til fyrirmyndar, þó að forsendurnar séu aðeins toppur þess ísjaka ódæðisverka og mannréttindabrota sem eiga sér daglega stað í sjálfskipuðu fyrirmyndarríki frelsis og lýðræðis.

Ný stjórn Ungra vinstri grænna á höfuðborgarsvæðinu

Sun, 11 Sep 2011 11:58:00 +0000

Aðalfundur Ungra vinstri grænna á höfuðborgarsvæðinu fór fram föstudaginn 9.september í húsnæði Vinstri grænna í Kópavogi. Á fundinum lét Claudia Overesch af störfum en hún hefur verið formaður hreyfingarinnar síðastliðið ár. Nýr formaður hreyfingarinnar er Gísli Garðarsson fornfræðinemi.

Aðalfundur UVGh

Fri, 2 Sep 2011 12:39:00 +0000

Aðalfundur Ungra Vinstri Grænna á höfuðborgarsvæðinu verður haldinn föstudaginn 9. september 2011.
Fundur hefst kl. 21.00 og verður í húsnæði flokksins í Kópavogi við Hamraborg 1.
Athugið að lokafrestur fyrir tillögur að lagabreytingum og framboð til stjórnarsetu er 48 klukkutímum fyrir fundinn, þ.e. á miðvikudaginn, 7.september 2011 kl. 21.

Landsfundur UVG 2011

Wed, 10 Aug 2011 11:32:00 +0000

Landsfundur Ungra vinstri grænna 2011 mun fara fram á Suðureyri dagana 30.september - 2.október
Nú þegar er stjórn UVG að skipuleggja dagskrá helgarinnar en atkvæðisrétt á fundinum hafa allir skráðir meðlimir Vinstrihreyfingarinnar græns framboðs fædd 1981 eða síðar.

Skráning er hafin í gegnum netfangið uvg@vinstri.is

Breytingar á stjórn Ungra vinstri grænna

Thu, 23 Jun 2011 00:41:00 +0000

Sú breyting hefur orðið á stjórn Ungra vinstri grænna að Guðrún Axfjörð Elínardóttir hefur látið af embætti og þess í stað hefur varaformaður hreyfingarinnar, Snærós Sindradóttir, tekið við keflinu.

Um leið og Ung vinstri græn þakka Guðrúnu fyrir vel unnin störf, óska þau Snærós velfarnaðar í starfi.

Ríkisstjórnin fordæmi loftárásir NATO

Thu, 24 Mar 2011 20:04:00 +0000

Stjórnir Ungra vinstri grænna, Ungra vinstri grænna á höfuðborgarsvæðinu, í Borgarbyggð og á Akureyri skora á ríkisstjórn Íslands og utanríkisráðherra, Össur Skarphéðinsson, að fordæma opinberlega loftárásir NATO-sveita í Líbíu. Ung vinstri græn vilja enn og aftur ítreka að Ísland er herlaust land sem á að sjá sóma sinn í því að styðja ekki við bandalög og árásarþjóðir sem fara í stríð.

Um forvirkar rannsóknarheimildir

Sun, 6 Mar 2011 14:03:00 +0000

Það eru mikil vonbrigði að enn hafi ekki orðið vart við gagngerar stefnubreytingar á sviði dómsmála- og mannréttindaráðuneytisins, þrátt fyrir að nú hafi verið vinstristjórn í landinu í rúm tvö ár. Ung vinstri græn minna Ögmund Jónasson, innanríkisráðherra, á orð sín þegar forveri hans í embætti hugðist koma slíkum heimildum á og skora jafnframt á hann að endurskoða hug sinn nú.

Svart á hvítu um IceSave

Fri, 25 Feb 2011 10:38:00 +0000

Þriðjudaginn 1. mars næstkomandi boða Ung vinstri græn og Ungir jafnaðarmenn til opins fundar um IceSave samninginn. Fundurinn er hugsaður sem kynningarfundur á skilmálum samningsins sem og hverjar afleiðingarnar verða ef hann yrði ekki samþykktur. Framsögufólk fundarins verða Steingrímur J. Sigfússon, fjármálaráðherra, og Oddný G. Harðardóttir, formaður fjárlaganefndar Alþingis.

Hergagnaflutningar Atlanta fordæmdir

Thu, 24 Feb 2011 12:28:00 +0000

Stjórn Ungra vinstri grænna fordæmir flutninga íslenska flugfélagsins Atlanta á stríðsgögnum til Afganistan. Flutningur stríðsgagna og vopna getur ekki talist annað en þátttaka í stríði og ætti fyrirtækið að sjá sóma sinn í því að hagnast ekki á dauða fólks í hinum stríðshrjáða heimi. Stjórnin beinir því jafnframt til innanríkisráðherra, Ögmundar Jónassonar, að taka í taumana sem allra fyrst. Það er óforsvaranlegt að íslensk fyrirtæki fái heimild til þátttöku í stríði í stjórnartíð Vinstrihreyfingarinnar Græns framboðs.

Niðurstaða pólitískra réttarhalda hörmuð

Wed, 16 Feb 2011 19:27:00 +0000

Stjórn Ungra vinstri grænna harmar dóm héraðsdóms Reykjavíkur yfir hinum svokölluðu níumenningum sem féll í morgun. Stjórn UVG skorar á forseta Alþingis og skrifstofustjóra Alþingis að segja af sér þegar í stað. Ekki einungis áttu þau frumkvæði að þessum pólitísku réttarhöldum heldur gengu þau svo langt að fara fram á að níumenningarnir yrðu ákærðir og dæmdir til að lágmarki eins árs fangelsisvistar fyrir að hafa rofið friðhelgi Alþingis.

Samstöðufundur með mótmælendum í Egyptalandi

Fri, 11 Feb 2011 12:22:00 +0000

Íslandsdeild Amnesty International efnir til samtöðufundar á Lækjartorgi laugardaginn
12. febrúar og hefst fundurinn kl. 14.00. Samstöðufundurinn er skipulagður af Amnesty International og studdur af Blaðamannafélagi Íslands, Félagi múslima á Íslandi, Kvenréttindafélagi Íslands, Menningar- og friðarsamtökunum MFÍK, PEN á Íslandi, Rauðum vettvangi, Rithöfundasambandi Íslands, ReykjavíkurAkademíunni, Sambandi ungra framsóknarmanna, Sambandi ungra sjálfstæðismanna og Ungum vinstri grænum.

Framtíð tónlistarlífsins í Reykjavík - Er listmenntun hobbí?

Tue, 8 Feb 2011 11:19:00 +0000

Ung vinstri græn á höfuðborgarsvæðinu boða til opins málfundar um málefni tónlistarskólanna í Reykjavíkurborg.

Fundurinn verður haldinn á Suðurgötu 3 miðvikudaginn 9. febrúar næstkomandi klukkan 20:00. Framsögumenn fundarins verða fulltrúar nemenda, tónlistarskólanna og borgarstjórnar:

Stjórnmálaskóli Ungra vinstri grænna

Mon, 24 Jan 2011 14:15:00 +0000

Stjórnmálaskóli Ungra vinstri grænna verður haldinn dagana 28.-29. janúar og er öllum velunnurum, vinum og vandamönnum Ungra vinstri grænna boðið til herlegheitanna.
Dagskráin er þéttskipuð og spennandi en þetta er í fyrsta sinn í 4 ár sem Ung vinstri græn efna til stjórnmálaskóla og því um sjaldgæft tækifæri að ræða til að rifja upp Marxisma, velta klámvæðingu fyrir sér, skoða kreppuna í samfélagslegu ljósi og dusta rykið af hugmyndafræði jafnaðarmennskunnar.

Náttúruvernd á krepputímum

Tue, 18 Jan 2011 01:13:00 +0000

Ung vinstri græn boða til opins fundar um náttúruverndarmál. Fundurinn verður haldinn að Suðurgötu 3 kl. 20, þriðjudaginn 18. janúar. Svandís Svavarsdóttir, umhverfisráðherra, og Árni Finnsson formaður Náttúruverndarsamtaka Íslands flytja erindi.

UVGh og VGR halda opinn fund um strætó

Thu, 13 Jan 2011 18:54:00 +0000

Ung vinstri græn á höfuðborgarsvæðinu og Vinstri græn í Reykjavík halda opinn fund um sparnað hjá Strætó bs. laugardaginn 15. janúar í húsnæði VG við Suðurgötu 3. Fundurinn hefst klukkan 11:15 og stendur til 13:00. Öll eru velkomin til að kynna sér þann sparnað sem nú fer í hönd hjá fyrirtækinu.

Stjórnmálaskóli Ungra vinstri grænna og nýtt ár

Tue, 11 Jan 2011 18:38:00 +0000

Stjórnmálaskóli Ungra vinstri grænna verður haldinn í lok janúarmánaðar og verður hinn glæsilegasti. Hinir ýmsu vinklar verða kynntir bæði með fyrirlestrum sem og lifandi smiðjum og eru öll velkomin. Það eru orðin nokkur ár síðan Ung vinstri græn héldu síðasta stjórnmálaskóla og því er kjörið tækifæri að strjúka rykið af hugmyndafræði vinstrisins og leggja enn ríkari áherslu á friðarmál, feminisma og það að við setjum pólitíska atburði síðastliðinna ára í sögulegt samhengi.

Ung vinstri græn eru 10 ára!

Wed, 17 Nov 2010 01:37:00 +0000

Þann 18. nóvember næstkomandi verða Ung vinstri græn 10 ára. Á tímamótum sem þessum er þess virði að líta yfir farinn veg og sjá hve mikil elja og kraftur hefur verið í hreyfingunni allt frá stofnun. Á afmælisárinu sem nú fer í hönd munu Ung vinstri græn því vera dugleg við að birta gamalt útgefið efni, greinar, myndir og annað sem drifið hefur starfið áfram á síðastliðnum áratug. Jafnframt mun hreyfingin fagna þeim áföngum sem náðst hafa en halda áfram að berjast fyrir því sem alltaf hefur verið ofarlega á baugi.

Listamannalaun - óþarfir lúxusstyrkir eða mikilvæg efling íslenskrar menningar?

Mon, 15 Nov 2010 00:52:00 +0000

Vegna þeirrar áhugaverðu umræðu sem undanfarið hefur komið fram um gagnsleysi listamanna sem starfsstéttar hafa Ung vinstri græn á höfuðborgarsvæðinu ákveðið að efna til fundar um listamannalaun og stuðning ríkisins við menningu næstkomandi miðvikudag, þann 17. nóvember klukkan 20:00 að Suðurgötu 3 í Reykjavík. Framsögufólk á fundinum verða Laufey Guðjónsdóttur formaður kvikmyndastöðvarinnar, Davíð Stefánsson ljóðskáld, Kolbrún Halldórsdóttir forseti BÍL og Björn Valur Gíslason alþingismaður.

Aðalfundur Ungra vinstri grænna á Akureyri

Fri, 29 Oct 2010 00:47:00 +0000

Aðalfundur Ungra vinstri grænna á Akureyri var haldinn þann 28. október. Á fundinum var ný stjórn kosin en hana skipa: Sindri Geir Óskarsson, formaður Heiðar S. Heiðarsson, varaformaður Jana Salóme Jósepsdóttir, gjaldkeri Tinna Ingólfsdóttir, ritari Elín Birna Olsen Vigfúsdóttir, meðstjórnandi Á komandi starfsári mun ný stjórn UVG-A leggja ríkari áherslu á bæjarmálin en áður hefur verið gert og hyggst hefja árið með að spyrja þeirrar nauðsynlegu spurningar "Afhverju er bæjarstjóri Akureyrar með ofurlaun á meðan skorið er niður?"

UVG í Borgarbyggð halda opinn fund

Wed, 27 Oct 2010 18:27:00 +0000

Fyrsti opni fundur UVG í Borgarbyggð verður haldinn í Skemmunni, Hvanneyri sunnudaginn 31. október kl 20:00. Farið verður yfir starfið framundan og eru nýjir félagar sérstaklega boðnir velkomnir.
Formaður Ungra vinstri grænna mætir á fundinn og kynnir starf hreyfingarinnar í grófum dráttum.

Aðalfundur UVG á Akureyri

Thu, 21 Oct 2010 22:10:00 +0000

Ung vinstri græn á Akureyri boða til aðalfundar fimmtudaginn 28. október, kl. 20:00 að Brekkugötu 7a á Akureyri. Óskað er eftir framboðum í stjórn og tillögum að lagabreytingum og skulu þær sendar á netfangið sindrigeir@gmail.com.

Jafnréttiskennsla í skólum - opinn fundur

Sun, 17 Oct 2010 13:33:00 +0000

Ung vinstri græn halda fyrsta opna fund nýrrar stjórnar miðvikudagskvöldið 20. október að Suðurgötu 3 í Reykjavík. Fundurinn er haldinn í tilefni útkomu Kynungabókar sem Menntamálaráðuneytið gaf út til að efla jafnréttiskennslu í skólum landsins. Til að jafnrétti náist er nauðsynlegt að fræða ungt fólk um stöðu kvenna og karla í samfélaginu og efla þau til gagnrýninnar hugsunar á þær staðalmyndir sem þau búa við.

Ný stjórn UVG kjörin

Sat, 16 Oct 2010 21:42:00 +0000

Landsfundi UVG lauk nú í kvöld. Guðrún Axfjörð Elínardóttir var kjörin formaður UVG og tók við embættinu af Jan Eric Jessen. Nýkjörin stjórn UVG er eftirfarandi:

Guðrún Axfjörð Elínardóttir - formaður
Snærós Sindradóttir - varaformaður
Björn Reynir Halldórsson - ritari
Þórir Ingvarsson - gjaldkeri

Meðstjórnendur: Ágúst Ísfeld Sæmundsson, Daníel Haukur Arnarsson, Karólína Einarsdóttir, Tinna Ingólfsdóttir og Þóra Geirlaug Bjartmarsdóttir.

Varamenn: Bjarki Þórðarson, Björk Emilsdóttir og Helgi Hrafn Ólafsson.

Landsfundur UVG hefst í dag

Fri, 15 Oct 2010 15:30:00 +0000

Landsfundur Ungra vinstri grænna hefst klukkan 17:00 í dag, að Vesturgötu 7 í Reykjavík. Á dagskrá fundarins í dag er ávarp formanns UVG, Skýrsla stjórnar starfsársins 2009-2010 auk þess sem ársreiknar verða teknir fyrir. Eftir kvöldverðarhlé verða svo kynntar lagabreytingatillögur, fyrirliggjandi ályktanir og tillögur að breytingum á stefnuyfirlýsingu. Þá fara almennar stjórnmálaumræður fram klukkan 20:00 í kvöld.

Pallborðsumræður um velferðarmál

Tue, 12 Oct 2010 02:35:00 +0000

Pallborðsumræður sem fram fara á landsfundi UVG um helgina munu snúast um velferðarmál. Áhrif niðurskurðar á velferðarkerfið verða sérstaklega rædd og eins þeirri spurningu varpað til framsögumanna hvar eigi að finna peninga til þess að hlífa betur velferðarkerfinu í fjárlagafrumvarpinu fyrir árið 2011. Í pallborði verða Guðmundur Magnússon formaður ÖBÍ, Kristín Á Guðmundsdóttir sem á sæti í stjórn og framkvæmdastjórn BSRB og er jafnframt formaður sjúkraliðafélags Íslands og Lilja Mósesdóttir alþingiskona.

Félag UVG í Borgarbyggð stofnað

Fri, 8 Oct 2010 15:15:00 +0000

Síðastliðinn miðvikudag var félag Ungra vinstri grænna í Borgarbyggð stofnað á stofnfundi í Gömlu skemmunni á Hvanneyri. Góð mæting var á fundinn og augljóslega mikill áhugi ungs fólks í Borgarbyggð á því að starfa með félaginu. Ásmundur Einar Daðason þingmaður, Jan Eric Jessen formaður UVG og Ragnar Frank oddviti VG í Borgarbyggð héldu erindi á fundinum auk þess sem lög félags UVGB voru samþykkt og félaginu kosin stjórn.

Stjórn UVG í Borgarbyggð skipa:
- Þóra Geirlaug Bjartmarsdóttir formaður (næstlengst til vinstri á mynd)
- Anna Ragnarsdóttir Pedersen gjaldkeri (næstlengst til hægri á mynd)
- Bjarki Þór Grönfeldt Gunnarsson ritari (lengst til hægri á mynd)
- Kári Gautason varamaður (lengst til vinstri á mynd)