Fréttir
Auður Lilja framkvæmdastýra VG
Á fundi stjórnar VG föstudaginn 25. júní síðastliðinn var ákveðið að ráða Auði Lilju Erlingsdóttur í stöðu framkvæmdastýru flokksins frá og með 1. júlí næstkomandi, en þá lætur Drífa Snædal af störfum.
Auður Lilja er fyrrverandi formaður Ungra vinstri grænna en er nú varaþingmaður VG í Reykjavíkurkjördæmi suður. Þá á hún einnig sæti í stjórn flokksins. Á sama tíma og Ung vinstri græn þakka Drífu Snædal fyrir góð störf í þágu flokksins og gott samstarf við UVG undanfarin ár, óskar hreyfingin Auði Lilju innilega til hamingju með nýja starfið og óska henni velfarnaðar.