UVG opna kosningamiðstöð í Reykjavík
Ung vinstri græn opna dyrnar að kosningamiðstöð sinni næstkomandi fimmtudagskvöld! Miðstöðin er opin frá klukkan 18:00 og er að Suðurgötu 10 í Reykjavík. Dagskrá kvöldsins hefst svo á slaginu 20:00 og er ekki af verri toganum. Elín Eyþórsdóttir stígur á stokk og blúsar fyrir lýðinn og henni á eftir eru stúlkur úr Uppistöðufélaginu með Uglu Egilsdóttur í broddi fylkingar.
Viðburðir UVG í þessari viku eru eftirfarandi:
- Þriðjudagur 27. apríl kl. 20:00 að Suðurgötu 3 í Reykjavík: Stóriðjukvöld UVG
- Miðvikudagur 28. apríl kl. 20:00 að Suðurgötu 10 í Reykjavík: Fundur um umhverfismál
- Fimmtudagur 29. apríl kl. 20:00 að Suðurgötu 10 í Reykjavík: Opnun kosningamiðstöðvar UVG
Að sjálfsögðu verða léttar guðaveigar til heiðurs Dionysusi á borðum.
Hlökkum til að sjá ykkur öll, rokkuð og róttæk.