Ályktanir

Ísland slíti stjórnmálasambandi við Ísrael

Mon, 31 May 2010 15:44:00 +0000

Í ljósi linnulausra mannréttindabrota og kúgunar Ísraela gagnvart palestínsku þjóðinni skorar stjórn Ungra vinstri grænna á ríkisstjórn Íslands að slíta stjórnmálasambandi við Ísrael, tafarlaust.

Úrskurði mannréttindadómstólsins fagnað

Tue, 27 Apr 2010 19:06:00 +0000

Stjórn Ungra vinstri grænna fagnar úrskurði mannréttindadómstóls Evrópu, frá því í morgun, þess efnis að álagning iðnaðarmálagjalds á Íslandi brjóti í bága við mannréttindasáttmála Evrópu. Stjórn Ungra vinstri grænna bendir í þessu samhengi á hversu galið það er að ríkið innheimti sóknargjöld af öllum Íslendingum, hvort sem þeir tilheyri viðurkenndu trúfélagi eða ekki, þar sem sóknarfjöld falli vissulega undir félagsgjöld samkvæmt skilgreiningu mannréttindasáttmálans.

Nektardans loksins bannaður

Wed, 24 Mar 2010 01:30:00 +0000

Stjórn Ungra vinstri grænna fagnar því að nú hafi verið samþykkt lög á Alþingi sem kveða á um bann við því að fyrirtæki geri út á nektardans eða nekt starfsmanna sinna að öðru leyti. Alþjóðlegar rannsóknir hafa sýnt fram á að sterk tengsl eru á milli starfsemi nektarstaða og mansals, kynferðislegs ofbeldis og fíkniefnaneyslu. Það felast einnig mikilvæg skilaboð í lögum sem þessum. Það er ekki í lagi að kaupa sér aðgang að líkama annarrar manneskju. Manneskja er ekki markaðsvara!

Ríkisstjórnin hafni hervæðingu

Wed, 17 Mar 2010 23:06:00 +0000

Stjórn UVG telur að íslensk stjórnvöld eigi ekki að taka í mál að heimila starfsemi hollenska hernaðarfyrirtækisins E.C.A. Program á Íslandi sem hyggst leigja út orrustuþotur til heræfinga. Framsetning Fréttablaðsins á málinu í morgun er með ólíkindum, og er í raun gagnrýnislaus auglýsing á kostum hervæðingar.

Frumvarpi heilbrigðisráðherra fagnað

Fri, 12 Mar 2010 00:56:00 +0000

Stjórn Ungra Vinstri grænna fagnar frumvarpi heilbrigðisráðherra, Álfheiðar Ingadóttur, sem miðar að því að fella úr gildi lög 16/1938 sem heimila ófrjósemisaðgerðir á einstaklingum með þroskahömlun eða geðsjúkdóma. Það vekur furðu stjórnar UVG að lögin, sem eru tímaskekkja og brjóta á mannréttindum fólks, séu enn í gildi hér á landi. Stjórn Ungra vinstri grænna hvetur því þingheim allan til þess að samþykkja frumvarpið einróma og fella lögin úr gildi.

Þjóðaratkvæðagreislur í stórauknum mæli

Wed, 10 Mar 2010 00:49:00 +0000

Stjórn Ungra vinstri grænna á höfuðborgarsvæðinu fagnar því fordæmi sem gefið hefur verið fyrir þjóðaratkvæðagreiðslu um ýmis mál. Stjórnin skorar á ríkisstjórnina að láta kjósa, samhliða
sveitastjórnarkosningum í vor, um kvótakerfið og aflaheimildir þess, um veru Íslands í árásarbandalaginu NATÓ og hvort aðskilja beri ríki og kirkju.

Niðurskurði í geðheilbrigðismálum mótmælt

Fri, 12 Feb 2010 15:13:00 +0000

Stjórn Ungra vinstri grænna mótmælir fyrirhugaðri skerðingu á niðurgreiðslu geðlyfja og lýsir yfir þungum áhyggjum vegna þeirra afleiðinga sem það kann að hafa í för með sér. Öllum er ljóst hversu vandasamt og óöfundsvert hlutskipti ríkisstjórnarinnar í fjármálum hins opinbera er og að ekki er hægt að ná fram nauðsynlegri hagræðingu án þess að til niðurskurðar komi. Samt sem áður skorar stjórn Ungra vinstri grænna á heilbrigðisráðherra að endurskoða þessi áform í ljósi þeirra afleiðinga sem skerðingin mun hafa á einstaklinga sem eiga við geðræn vandamál að stríða.

Alþingi samþykki Icesavefrumvarp

Tue, 29 Dec 2009 13:37:00 +0000

Stjórn Ungra vinstri grænna lýsir yfir stuðningi við frumvarp fjármálaráðherra um ríkisábyrgð vegna Icesave-reikninganna og hvetur til þess að frumvarpið verði samþykkt án frekari tafa. Öllum er ljóst hversu alvarlegt Icesave-málið er fyrir íslensku þjóðina. Aftur á móti gera allt of fáir sér grein fyrir því að ekki er hægt að leysa málið án þess að þjóðin beri skaða af. Því lengur sem málið stendur óafgreitt þeim mun meiri verður skaðinn.

Varnarmálastofnun loksins aflögð

Sat, 5 Dec 2009 14:24:00 +0000

Stjórn Ungra vinstri grænna fagnar þeirri ákvörðun ríkisstjórnarinnar að leggja Varnarmálastofnun niður. Stofnun Varnarmálastofnunar var ein af þeim slæmu mistökum sem ríkisstjórn Sjálfstæðisflokks og Samfylkingar kom í verk. Stofnunin var aldrei þannig úr garði gerð að hún tryggði raunverulega öryggi Íslendinga, heldur endurspeglaði hún úrelt kaldastríðsviðhorf sem miðuðu að því að auka hernaðarleg umsvif Íslands.

Falla skal frá fæðingarorlofstillögum

Tue, 1 Dec 2009 18:45:00 +0000

Stjórn Ungra vinstri grænna leggst alfarið gegn tillögum Árna Páls Árnasonar, félagsmálaráðherra, um frekari niðurskurð á fæðingarorlofi. Rétt er að minna á að kjör nýbakaðra foreldra hafa þegar verið skert umtalsvert á síðasta ári og hámarksgreiðslur lækkaðar.

Róttækari aðgerðir í umhverfismálum

Mon, 30 Nov 2009 15:53:00 +0000

Stjórn Ungra vinstri grænna á höfuðborgarsvæðinu vill vekja athygli á umsókn borgarstjórnar til tilnefningar Reykjavíkur sem Græna borg Evrópu (e. European green capital). Umsóknin gefur í skyn að Reykjavík hafi náð framúrskarandi árangri í umhverfisvernd. Stjórn UVGH telur þó að enn sé mjög langt í land.

Réttlæti fyrir flóttamenn!

Wed, 18 Nov 2009 23:22:00 +0000

Stjórn Ungra vinstri grænna krefst þess að ríkisstjórn Vinstrihreyfingarinnar – græns framboðs og Samfylkingar taki upp mannúðlega stefnu í málefnum flóttamanna og hætti nú þegar að beita fyrir sig Dyflinarsáttmálanum í stað þess að taka fyrir mál þeirra flóttamanna sem hingað leita skjóls.

Afnema skal kvótakerfið í núverandi mynd

Wed, 18 Nov 2009 12:02:00 +0000

Stjórn Ungra vinstri grænna skorar á sjávarútvegsráðherra, Jón Bjarnason, að hefja að fullu vinnu við framkvæmd fyrirningarleiðarinnar til að afnema kvótakerfið í núverandi mynd í samræmi við samstarfsyfirlýsingu ríkisstjórnarinnar og stefnu VG.

Björgum garðyrkjunni!

Sat, 7 Nov 2009 15:46:00 +0000

Stjórn Ungra vinstri grænna skorar á íslensk stjórnvöld að bregðast strax við þeirri grafalvarlegu stöðu sem blasir við íslenskum garðyrkjubændum. Ljóst er að verði ekkert að gert verða margir garðyrkjubændur að hætta starfsemi sinni með tilheyrandi afleiðingum.

Stöðvum trúarmisrétti í HÍ

Sat, 31 Oct 2009 14:27:00 +0000

Stjórn Ungra vinstri grænna lýsir furðu sinni á því misrétti sem viðhefst milli trúarhópa í Háskóla Íslands. Auk þess er það ekki hlutverk Háskóla Íslands að byggja upp aðstöðu til trúariðkunar, slíkt á að vera á könnu trúfélaga en ekki menntastofnana.

Bætum aðstæður útigangsfólks!

Sat, 24 Oct 2009 18:04:00 +0000

Stjórn Ungra vinstri grænna á höfuðborgarsvæðinu telur að úrræðum til handa útigangsfólki sé ábótavant. Það er staðreynd að á krepputímum fjölgar þeim sem þurfa á aðstoð að halda vegna fíknar sinnar og/ eða heimilisleysis. Fullyrt hefur verið að sá fjöldi sem ekki eigi í nein hús að venda skipti hundruðum.

Áfram Svandís!

Thu, 22 Oct 2009 20:16:00 +0000

Nú þarf ríkið að taka á honum stóra sínum og styðja sem flest það sem getur reist íslenskt efnahagslíf við. Í því starfi er ekki skynsamlegt að einblína á stóriðjuna, sem þegar hefur brugðist. Skynsamlegt er að hugsa til framtíðar, líkt og umhverfisráðherra gerir.

Ráðuneyti standi undir nafni

Tue, 20 Oct 2009 12:19:00 +0000

Stjórn Ungra vinstri grænna lýsir yfir miklum vonbrigðum með ákvörðun Útlendingastofnunar og Rögnu Árnadóttur, dóms- og mannréttindamálaráðherra, frá 14, október síðastliðnum, þess efnis að vísa fjórum flóttamönnum úr landi og senda þá til Grikklands. Flóttamannastofnun Sameinuðu þjóðanna hefur ítrekað bent á að aðstæður flóttamanna í Grikklandi séu skelfilegar.

Stuðningsyfirlýsing við Ásmund Daðason

Sat, 11 Jul 2009 18:15:00 +0000

Stjórn Ungra vinstri grænna hefur sent frá sér ályktun. Þar er meðal annars sérstök stuðningsyfirlýsing við Ásmund Einar Daðason, þingmann VG í Norðvesturkjördæmi. Einnig eru stjórnarflokkarnir hvattir til þess að leysa úr ESB flækjunni í góðri sátt.

Endalokum Varnarmálastofnunar fagnað

Tue, 23 Jun 2009 07:26:00 +0000

Ung vinstri græn fagna því að til standi að leggja niður Varnarmálastofnun í núverandi mynd og leggja til að heræfingar, loftrýmiseftirlit og önnur hernaðarleg starfsemi verði lögð niður og að peningarnir sem sparast verði nýttir í velferðarkerfinu.

Óánægja með kynjahalla í ríkisstjórn

Wed, 13 May 2009 12:46:00 +0000

Stjórn Ungra vinstri grænna lýsir megnri óánægju með að ekki skuli vera jafnt hlutfall kynja í ráðherraliði nýrrar ríkisstjórnar. Stjórnin gerir þá kröfu að þegar næst verði gerðar breytingar á skipan ráðherra í ríkisstjórninni verði hlutfall kynjanna innan hennar leiðrétt. Slíkt er í samræmi við samþykktir Vinstrihreyfingarinnar - græns framboðs.

Takk fyrir Kolla!

Mon, 11 May 2009 15:59:00 +0000

Ung vinstri græn þakka Kolbrúnu Halldórsdóttur fyrir frábært hugsjónastarf í þágu náttúrunnar, kvenfrelsis, félagslegs jafnréttis og friðar í þau 10 ár sem hún hefur setið á þingi.

Mannúð í málefnum hælisleitenda

Sun, 19 Apr 2009 23:01:00 +0000

Ung vinstri græn skora á Útlendingastofnun að endurskoða stefnu sína í málefnum flóttamanna og hælisleitenda, sem hingað til virðist einungis hafa falist í því að vísa flóttamönnum úr landi. Hreyfingin hvetur stofnunina til að taka mannúðlegri afstöðu og forgangsraða í þágu mannréttinda, frekar en að fela sig bakvið undarlega túlkun Dyflinnarsáttmálans.

Ánægja með sumarannir

Tue, 14 Apr 2009 16:21:00 +0000

Ung vinstri græn fagna skjótum viðbrögðum og vasklegri framgöngu menntamálaráðherra Katrínar Jakobsdóttur við kröfum námsmanna um sumarnám í háskólum.

Ung vinstri græn vilja sumarannir

Wed, 1 Apr 2009 21:15:00 +0000

Ung vinstri græn hvetja menntamálaráðherra til að beita sér fyrir því að sem flestir háskólar bjóði upp á sumarannir á komandi sumri. Einnig leggja Ung vinstri græn til að skólagjöld fyrir sumarnám á framhaldsskólastigi verði afnumin.

Alþingi láti af ál-draumórum

Wed, 11 Mar 2009 23:19:00 +0000

Stjórn Ungra vinstri grænan skorar í ályktun sinni á þingmenn Vinstrihreyfingarinnar – græns framboðs að greiða atkvæði gegn frumvarpi ríkisstjórnarinnar um heimild til samninga við Century Norðurál vegna álversuppbyggingar í Helguvík. Stjórnin telur frumvarpið á margan hátt brjóta gegn stefnu flokksins.

Alþingi banni kaup á vændi

Sun, 8 Mar 2009 23:06:00 +0000

Ung vinstri græn taka af heilum hug undir áskorun fjölmargra félagasamtaka um að Alþingi samþykki frumvarp um að banna kaup á vændi og fylgi þar með fordæmi Norðurlandanna Svíþjóðar og Noregs sem hafa bannað kaup á vændi.

Ríkisstjórnin hverfi frá stóriðjustefnu

Wed, 4 Feb 2009 23:44:00 +0000

Ung vinstri græn krefjast þess að ríkisstjórn Vinstri grænna og Samfylkingar beiti sér af fullum þunga fyrir því að horfið verði frá stóriðjustefnu fyrri ríkisstjórna tafarlaust...

Ályktun um niðurskurð ríkisframlaga til Þjóðkirkjunnar

Mon, 5 Jan 2009 23:43:23 +0000

Ung vinstri græn á höfuðborgarsvæðinu harma þann niðurskurð sem gerður hefur verið þvert á hagsmuni þeirra sem minna mega sín. Það hefur sýnt sig á þessu kjörtímabili að stjórn Sjálfstæðisflokks og Samfylkingar starfar ekki með hag almennings fyrir brjósti.

Niðurskurður í hermálum - aukin þróunaraðstoð

Wed, 31 Dec 2008 22:53:56 +0000

Ung vinstri græn fagna endurskoðun á verkefnum utanríkisráðuneytisins og starfsemi sparnaðarnefndar í utanríkisráðuneytinu. Ung vinstri græn benda á að þau hafi fyrr í þessum mánuði lagt fram sparnaðaráætlun sem myndi gera ríkinu kleift að spara 14,6 milljarða kr. í fjárlögum næsta árs.