Ályktun UVG-R um hjólreiðar
Aðalfundur UVG-R skorar á borgarstjórn að viðurkenna hjólreiðar sem samgöngumáta og hefja í því framhaldi skipulag og lagningu hjólreiðastíga meðfram helstu umferðaræðum borgarinnar.
Aðalfundur UVG-R telur ástandi hjólreiðastíga mjög ábótavant. Hjólreiðastígar í Reykjavík eru bæði fáir og lélegir. Fjöldinn allur af einkabílum, breiðir vegir og aðrir fylgifiskar einkabílismans stofna hjólreiðamönnum í hættu og hamla því að þeir geti notað hjól sem samgöngutæki.
UVG-R telja að bæta eigi og fjölga hjólreiðastígum á sama tíma og öryggi hjólreiðamanna er haft að leiðarljósi. Hjólreiðar eiga að vera raunhæfur kostur fyrir alla enda umhverfisvænar og heilsusamlegar.
Flutningsmaður: Brynja Björg Halldórsdóttir
Aðalfundur UVGR 2. september 2006
Ung vinstri-græn í Reykjavík